Բնակելի տարածքների ապակեպատման ամենալավ տարբերակ են համարվում
մետաղապլաստե պատուհանները։ Դրանք ունեն բազմաթիվ առավելություններ և ճիշտ օգտագործման դեպքում կարող են անգամ 15-20 տարի ծառայել։ Երկարաժամկետ օգտագործման համար հարկավոր է ժամանակին դրանք բերել ձմեռային ռեժիմի։
Միևնույն ժամանակ ձմեռային ռեժիմի անցնելուց էլ չպետք է երկար ժամանակ թողնել այդպես, քանի որ ռետինե մասերը ժամանակի ընթացքում մաշվում են։ Եվ այսպես, ինչպես նախապատրաստել պատուհանները ձմեռային ռեժիմի։
Պատուհանների ձևափոխումը ձմեռային ռեժիմի
Ցրտին մետաղապլատե պատուհաններից տարածք է ներխուժում սառը օդը։ Դրանից խուսափելու համար պետք է պատուհանների ռեժիմը փոխել։ Դա թույլ կտա կանխել ներսից տաք օդի կորուստը՝ շնորհիվ պատուհանի շրջանակի մեջ պատւհանի քիփ տեղադրման։ Փորձենք առավել դետալային քայլերով ներկայացնել պրոցեսը․
Քայլ 1. Առաջին հերթին անհրաժեշտ է շրջանակը մաքրել կուտակված փոշուց, փափուկ կտորով սրբել կցամասերի մետաղամասկան մասերը, իսկ շարժական հատվածներում քսել քսանյութ։
Քայլ 2․ Դրանից հետո բացել փեղկերը, գտնել սեղմակները։ Դրանք նման փոքր գլանակների նման են և դուրս են գալիս վեցանկյուն խորությունից։ Քանակը կախված է փեղկի լայնությունից, տեղակայված են բռնակի կողքի ծայրին։ Բացելով պատուհանը դուք անմիջապես կարող եք տեսնել դրանք։ Սեղմակներ կան փեղկի ինչպես ներքևի, այնպես էլ վերին հատվածում։
Քայլ 3. Յուրաքանչյուր սեղմակը պետք է բերել մաքսիմալ պտտել՝ օգտագործելով վեցանոց փական կամ աքցան։ Ընդհանրապես պտտումը իրականացվում է ժամսլաքի ուղղությամբ։ Պտտման ուղղությունը կախված է սեղմակի տիպից․ եթե այն օվալաձև է, ուրեմն՝ հորիզոնական, եթե կլոր է, ուրեմն՝ փողոցի կողմից։
Որոշ պատուհաններ կարգավորելիս հարկավոր է սեղմակները «քաշել» դեպի քեզ, իսկ ձմեռային ռեժիմից հետո դրանք վերադարձնել նախնական դիրքին:
Քայլ 4. Փակել փեղկը։ Հավաստիանալու համար, որ անցումը կատարվել է ճիշտ, կարելի է ստուգել թղթով։ Եթե այն այն հնարավոր չէ մտցնել փեղկի արանքը, ուրեմն կարգավորումը ճիշտ է կատարվել։
Ձմեռային կարգավորման այլ միջոցներ
- Ձմեռային ռեժիմին պատրաստվելիս ջերմամեկուսացրեք պատուհանի անկյունները ինչպես ներսից, այնպես էլ դրսից: Կարող եք ջերմամեկուսացնել պենոպլաստի, թերմոիզոլյատորի և նմանատիպ այլ նյութի միջոցով։
- Ձմռանը անհրաժեշտ է պատշաճ կերպով խնամել պատուհանները, օրինակ `պարբերաբար սրբել ապակեփաթեթը փոշուց և կեղտից:
- Հոգ տանել ռետինե հատվածների մասին`օգտագործելով գլիցերին, որի շնորհիվ այն երկար կծառայի: