Ձմեռային այգին ապակեպատ փակ տարածք է, որի մեջ ներթափանցում է բնական լույսը: Մերձքաղաքային շինարարությունում ամենապուլյարներն են
ձմեռային այգիները, վերանդաները, տեռասաները:
Ձմեռային այգիների հիմնական տեսակները
Ձմեռային այգիները հատուկ տարածքներ են, որտեղ աճեցնում են ցուրտ պայմաններում դիմացկունություն չունեցող բույսեր։ Դրանք ջեռուցվում են և ունեն բնական լուսավորություն: Ժամանակակից ձմեռային այգիները կառուցվում են հիմնական շենքերին կից։ Ձմեռային այգիները լինում են․
Բուֆերային տիպի - ունեն գեղագիտական նշանակություն, և հնարավորություն են տալիս առնչվել բնությանը։ Այս տիպի ձմեռային այգիները բուֆերի դեր են կատարում փողոցի ու որևէ տարածքի միջև;
Ձմեռային այգի-ջերմոց - Ստեղծվում է հատուկ միկրոկլիմա, որը նպաստավոր է բույսերի աճի համար;
Բնակելի ձմեռային այգի - Կարող է լինել և՛ հանգստի գոտի, և՛ ծառայել որպես աշխատանքային տարածք: Կարող է տեղակայվել տան ցանկացած հատվածում։ Այստեղ բույսերը աճեցվում են տարաների մեջ։
Ապակեպատման նյութեր
Ձմեռային այգու կառուցման հիմքում ապակեպատումն է: Տարածքում լույսի ու ջերմության ներդաշնակությունը կախված է օգտագործվող ապակեպատման նյութերից: Ապակեպատման համար օգտագործվում են երեք հիմնական նյութեր.
Պլաստիկ պրոֆիլներ, սրանք սակայն այնքան էլ պոպուլյար չեն, քանի որ կարճ կյանք ունեն՝ պլաստիկի ցածր ամրության պատճառով;
Փայտե պրոֆիլները թանկարժեք հաճույք են, այդուհանդերձ ներդաշնակ են բնության հետ;
Ալյումինե պրոֆիլները ապակեպատման լավագույն տարբերակն են: Ալյումինը բավականին ամուր նյութ է, օգնում է պաշտպանել այգին հնարավոր վնասներից: Բացի այդ, ալյումինե կոնստրուկցիաներն ունեն գրավիչ տեսք: Ալյումինե պրոֆիլներով ձմեռային այգիները կարող են դիմանալ մինչև 80 տարի:
Կարկասը ծածկելու համար օգտագործվում են հետևյալ նյութերը.
Ամենատարածվածը ապակին է, որն ունի բարձր լուսաթափանցություն, դիմացկուն է և ունի ջերմամեկուսացման գերազանց հատկություններ;
Ձմեռային այգիների և պատշգամբների հավաքման համար նոր լուծում է պոլիկարբոնատը: Ունի բարձր դիմացկունություն և երկարակյաց է;
Ձմեռային այգիների նորաձև լուծումներից են ապակեփաթեթները, որոնց օգնությամբ ձմեռային այգին կառուցվում է բավականին արագ, իսկ ապակեպատումը համապատասխանում է բոլոր ժամանակակից չափանիշներին:
Խորհուրդներ ձմեռային այգիների և պատշգամբների ապակեպատման վերաբերյալ
Ձմեռային այգի և վերանդա պատրաստելիս պետք է հաշվի առնել հետևյալը.
Բույսերը պետք է պաշտպանված լինեն ջերմաստիճանային տատանումներից;
Կոնստուկցիան պետք է անվտանգ լինի;
Լինի կայուն՝ մթնոլորտային երևույթների նկատմամբ։
Եվս մի քանի ցուցումներ․
Որպեսզի ձմեռային այգին ծառայի ոչ միայն որպես ջերմոց, այլև՝ հանգստի վայր, ընտրեք մեծ տարածք, որտեղ կարող եք առանցնացնել մի հարմարավետ անկյուն և անցկացնել ձեր հետաքրքիր երեկոները;
Ձմեռային այգի կազմակերպելիս օգտագործեք միակողմանի կամ շարժական պատուհաններ՝ տանիքի ստորոտին (տարածք խնայելու համար);
Դռներ տեղադրելիս օգտագործեք սլայդ կամ բարձրացող-սահող դռներ, որոնք բավական հերմետիկ են;
Հատուկ ուշադրություն դարձրեք ձմեռային այգու օդափոխությանը․ միկրոկլիմայի պահպանման համար անհրաժեշտ է պահպանել օդի խոնավությունը: